22 апр. 2013 г.

Энгел Фәттахов: "Телне ил белән саклау кирәк"


22.04.2013
Татарстан мәгариф министры алга таба да татар һәм рус телләренең тигез күләмдә укытылачагын, рус балаларын татарчага өйрәткәндә күбрәк аралашуга игътибар биреләчәген, махсус интернат-гимназияләрдә сәләтле балалар белем алачагын, Башкортстан белән хезмәттәшлек ныгытылачагы турында белдерә.
Татарстан мәгариф һәм фән министры Энгел Фәттахов Азатлык радиосында булып сорауларга җавап бирде. Министр Татарстан президенты Рөстәм Миңнехановның Чехиягә сәфәре вакытында рәсми төркемдә иде.

16 апр. 2013 г.

Электрон журнал кәгазь кардәшен кысрыклап чыгара


16.04.2013
Укытучыларның хезмәт хакын арттыруда алгарыш сизелсә дә, мәктәптәге кәгазь эшенең күплегеннән зарланулар әле дә тынмый. Заманча технологияләрнең мәктәпкә килүе укытучы мәшәкатьләрен арттырды гына. Соңгы елларда мөгаллимнәргә бер эшне ике төрле итеп башкарырга туры килде.
Мәктәпләр компьютерлар белән җиһазлангач, педагог ике журнал алып барырга мәҗбүр булды. Нәтиҗәдә, укытучының күп вакыты сыйфатлы белем бирүгә түгел, ә билге, өй эше һәм дәрес темаларын электрон һәм кәгазь вариантта тутыруга сарыф ителде.

12 апр. 2013 г.

ТР мәгариф һәм фән министры Энгель Фәттахов: "Һәрбер эшне ата-аналар белән киңәшләшеп башкарырга тиешбез"


12.04.2013
Актаныш районының хакимият башлыгы Энгель Фәттахов ТР мәгариф һәм фән министры итеп билгеләнгәч күпләр: “Мәгариф өлкәсенә мөнәсәбәте булмаган кеше министр була аламы?” – дип гаҗәпкә калган иде. Хәзер инде аның әлеге вазыйфага керешүенә ярты ел вакыт узды. Милли мәгариф язмышы өчен борчылган кешеләр: “Күптән шундый җитәкче кирәк иде”, – дип аңа бәя бирде.
БДИга электрон капка аша кертергә
– Энгель Нәвапович, быел беренче тапкыр республика мәктәпләренең сыйфатын бил-геләүче рейтинг булдырылды. Аның БДИ нәтиҗәләрен нигез итеп алуы белән кайберәүләр килешмәде. Киләсе елларда рей¬тинг төзү принципларын камилләштерү күздә тотыламы?

5 апр. 2013 г.

Апрель - Тукай ае


Быел татарның атаклы шагыйре Габдулла Тукайның үлеменә 100 ел тула. Әлеге вакыйга уңаеннан Казан каласында 15 апрель төрле чаралар оештырылачак.
Программада – Клячкин хастаханәсе янында митинг, хастаханә диварындагы барельефка һәм Тукай вафат булган палатадагы истәлек тактасына, шагыйрьнең үз исемен йөрткән мәйдандагы һәм Муса Җәлил исемендәге Татар дәүләт академия опера һәм балет театры янындагы һәйкәлләргә чәчәк салу, дип хәбәр итә Татарстанның Мәдәният министрлыгы сайты. Шулай ук, Тукайның каберенә зиярәт кылу, Г.Тукай музеенда һәм Татарстан Язучылар берлегендә искә алу кичәләре узачак.