31 авг. 2017 г.

Мөслимдә уникаль спорт залы ачылды

31.08.2017
 Республика көне Мөлимебездә бик тә истәлекле вакыйга белән башланды. Район үзәгендә тиз арада калкып чыккан уникаль спорт залын ачу тантанасына оешма-предприятие җитәкчеләре, иҗтимагый оешмалар вәкилләре, райондашлар һәм республика кунаклары килгән иде. Район башлыгы Рамил Муллин әлеге уникаль объектны төзүдә ярдәм күрсәткәне өчен республикабыз хөкүмәтенә, Президентыбызга, “Евростиль” җәмгыятенә олы рәхмәтләрен җиткерде.
       – Бу уникаль бина – районыбыз өчен көтеп алынган зур бүләк. Ул халыкка озак хезмәт итсен, балаларыбызга спортта зур җиңүләргә ирешергә ярдәм итсен, – диде Рамил Муллин.
        Татарстан республикасы Премьер-министры урынбасары, ТР Фән һәм мәгариф министры Энгель Фәттахов мөслимлеләргә республика Президенты Рөстәм Миңнехановның бәйрәм котлавын ирештерде.
       Бәйрәм тантанасында җирлегебездә 6 ай дәвам иткән волейбол буенча I нче район чемпионатында җиңү яулаган командаларга кубоклар тапшырылды. Чемпион исеменә Мөслим гимназиясе һәм “Нептун” бассейны җыелма командасы лаек булды. Икенче урында – район эчке эшләр бүлеге, өченчедә – район Советы һәм башкарма комитеты командалары.
Район башлыгы уникаль спорт залының символик ачкычын билбау көрәше буенча Россия чемпионы исемен алган яшь спортчы Ринат Сафиуллинга тапшырды. Аннары кунаклар, бина эченә узып, спорт залларын карадылар, анда шөгыльләнүче балалар белән очраштылар.

muslum.ru

18 янв. 2017 г.

"ИЛҺАМ" БӨТЕНРОССИЯ ЯШЬ ЯЗУЧЫЛАР БӘЙГЕСЕ-2017



       Татар телен, әдәбиятын, мәдәниятен саклау һәм үстерү, укучыларда әдәбиятка, сәнгатькә кызыксыну уяту, әдәби иҗатка сәләте булган яшьләрне ачыклау, барлау, яшь язучыларны таныту, осталыкларын үстерергә ярдәм итү максатыннан,  Татарстан Республикасы Мәгариф һәм фән министрлыгы, Язучылар берлеге, Казан федераль университеты һәм Габдулла Тукай исемендәге Арча педагогика көллияте белән берлектә татар телендә иҗат итүче мәктәп укучылары арасында "Илһам" Бөтенроссия яшь язучылар бәйгесен уздыра.
       Бәйгедә катнашу өчен, укучыларның иҗади эшләрен электрон вариантта ilhambeygese2017@gmail.com адресына 2017 елның 1 нче февраленә кадәр җибәрү сорала.
       Тулырак мәгълүмат белән нигезләмәдән таныша аласыз. 
 
Беркетелгән файл: нигезләмә

11 янв. 2017 г.

ТР Мәгариф һәм фән министрлыгы түбән температуралы һава торышы вакытында дәресләр үткәрелмәү турында хәбәр итә


Республикада салкын һава торышы урнашу сәбәпле ТР Мәгариф һәм фән министрлыгы түбән температуралы һава торышы вакытында дәресләр үткәрелмәү турында хәбәр итә.
Параллель Авыл мәктәпләре Шәһәр мәктәпләре
1-4 сыйныфлар -23 C -25 C
5-9 сыйныфлар -25 C -27 С
10-11 сыйныфлар -30 С -32 С
Кыш айларында физик культура дәресләрен ачык һавада үткәрү түбәндәге шартларда рөхсәт ителә:
Укучылар яше Ачык һавада дәрес үткәрелү рөхсәт ителүче шартлар


Дәресләр үткәрелми

18 дек. 2016 г.

Татарстанда татар телендә балалар каналына яхшы исем һәм слоган уйлап табу буенча бәйге игълан ителде


17.12.2016
  
  Игьтибар бәйге!”Яңа гасыр” телерадиокомпаниясе, Татарстанның мәгариф һәм фән министрлыгы белән берлектә татар телендә балалар каналына  яхшы исем һәм слоган уйлап табу буенча бәйге игълан итә.          Аның төп максаты  – балаларга  кечкенәдән үк татар телен өйрәнү өчен уңайлы шартлар булдыру. 14 яшькә кадәр балаларны  кызыклы мультфильмнар, мавыктыргыч тапшырулар көтә.           Бәйгедә һәр теләгән кеше катнаша ала. Төп таләп - исем һәм слоган татар телендә, кыска һәм тиз истә кала торган булырга тиеш. Фикерләрегезне 2017 нче елның 8  гыйнваренә  кадәр    balalar-tv@mail.ru   электрон почтасына  юллагыз.   Отышлы 5 исем сайлап алынганнан соң,  9 гыйнвардан алып 13 гыйнварга  кадәр,  “Яңа Гасыр” телерадиокомпаниясенең сайтында алар өчен  тавыш бирү булачак.  ТНВ сайты: tnv.ru 

13 нояб. 2016 г.

Кышкы каникуллар кыскартыла, ә мәктәп каникуллары үзгәрешсез кала!

Кышкы каникуллар кыскартыла, ә мәктәп каникуллары үзгәрешсез кала! Россия халкы алда көтелгән Яңа ел каникулларында гадәттәгедән азрак ял итәчәк. 2017 елда Яңа ел бәйрәме ялларының кыскаруы Россиянең Хезмәт һәм социаль яклау министрлыгы чыгарган карарга бәйле, дип хәбәр итә ТАСС агентлыгы.
Шулай итеп, якшәмбе көн булган 1 гыйнвар һәм шимбә көн булган 7 гыйнвар эшләми торган бәйрәм көннәренә туры килү сәбәпле, бу көннәрнең ялы башка бәйрәмнәргә күчерелгән. Министрлык карары буенча, киләсе 2017 елда Россия халкы 24 февральдә ял итәчәк (ул җомга була) һәм 8 майда ял итәчәк (ул дүшәмбе булачак).
Яңа ел каникуллары исә тугыз көн дәвам итәчәк: 31 декабрьдән 8 гыйнварга кадәр.
Шулай ук министрлык февраль һәм май айларында — дүрт көнлек, июнь һәм ноябрьдә өч көнлек ялларны да билгеләде. Ватанны саклаучылар көне, Халыкара хатын-кызлар көне һәм Халыклар бердәмлеге көне алыннан эш сәгате, гадәттәгечә, кыскартыла.
Чыганак: