Мәгарифне үстерү өчен Татарстанга 41 миллион сум акча бүлеп бирелде

3 апрель, 2014 - 14:04

Мәгарифне үстерү өчен Татарстанга 41 миллион сум акча бүлеп бирелде

Татарстанга «Безнең мәктәп» милли мәгариф инициативасы кысаларында федераль бюджеттан 41 миллион сум акча бүлеп бирелде.
Әлеге ачалар мәгарифне үстерү буенча төбәк программасы чараларын гамәлгә ашыруга сарыф ителәчәк. РФ Премьер-министры Дмитрий Медведев имзалаган боерык Россия Хөкүмәтенең рәсми порталында урнаштырылган.
Федераль бюджеттан бүленгән акчалар мәктәпкәчә белем бирү системасын үстерүгә, шулай ук мөгаллимнәрнең квалификациясен күтәрүгә тотылачак. Федераль максатчан программа кысаларында 2011 елдан алып барлык федераль округларда 48 стажировка мәйданчыгы булдырылган. Россия бюджетында әлеге максатларга 665 миллион сумга якын акча каралган.
Чыганак: http://matbugat.ru